Midowga Afrika oo ka hadlay Weerar Alshabaab ay ka geysteen Saldhiga ATMIS ee Degaanka Ceelbaraf+Sawiro

WARARKA

Gudoomiyaha Midowga Afrika Moussa Faki Mahamat, ayaa si kulul u cambaareeyay weerarkii Al Shabaab ay shalay ku qaadeen saldhigga ciidamada Burundi ku lahaayeen deegaanka Ceel Baraf, sida lagu sheegay bayaan ka soo baxay Midowga Afrika.

Guddoomiyaha ayaa sidoo kale tacsi tiiraanyo leh u diray dawladda iyo shacabka Wadanka Burundi, waxana uu caafimaad degdeg ah u rajeeyay dadkii ku dhaawacmay weerarkaas, sida lagu sheegay bayaanka.

Al-Shabaab oo shalay war-saxaafadeed ka soo saartay weerarkan ayaa sheegtay in is-rasaaseyn xooggan kaddib ay u suurtagashay in ay la wareegto gacan ku heynta guud ahaan saldhigga.

Warar ka soo baxayay Al-Shabaab ayaa lagu sheegay inay cagta mariyeen xerada, ayna dileen in ka badan 170 askari, dhowr iyo toban kalena ay ku dhaawacmeen weerarka. Waxay sidoo kale sheegatay inay askar nool ku qabatay dagaalka, balse ma jiraan ilo kale oo madax-bannaan oo xaqiijinaya sheegashada Al-Shabaab.

Leave a Reply

Your email address will not be published.