Warar dheeraad ah oo ka soo baxaya Qarax ka dhacay magaalada Muqdisho

0
70

Qaraxa ayaa la sheegay inuu ka dhacay koontaroolka laga ilaaliyo garoonka diyaaradaha magaalada Muqdisho ee udhaw isgoyska Lambar Afar.

Marka qaraxa uu dhacayey waxaa baabuur laga hubiyo amaanka ay taagnaayeen koontaroolka iyadoo bajaaj iyo dadweyne mashquul badan halkaasi uu ka jiray.

Balse Guddoomiyaha degmada Warta-nabada ee gobolka Banaadir Seynab Maxamuud Warsame (Xaabsey) ayaa ka badbaaday qaraxa oo maanta ka dhacay magaalada Muqdisho.

Qof waxyaabaha qarxa isku soo xiray ayaa isku qarxiyay meel u dhaw Hotelka Afrik ee, halkaas oo ay ku sugnaayeen ciidamo ka tirsan Nabadsugidda oo ilaaliya garoonka diyaaradaha Aadan Cadde.

Guddoomiye Seynab Xaabsey ayaa qoraal kooban oo ay soo dhigtay barteeda Facebook ku sheegtay in ay ka badbaaday weerarkaas, hase ahaatee dhimasho iyo dhaawac ka soo gaartay askar la socotay.

โ€œAlhamdulilah ilaahey ha unaxariisto askarteeni inta dhawacana allaha noo caafiyo waa nabad qabnaa Alhamdulilahโ€ ayay tiri Guddoomiye Seynab.

Saynab Xaabsey ayaa ka mid ahayd masโ€™uuliyiintii ka badbaaday weerarkii 24-kii July 2019 ka dhacay guriga dawladda Hoose ee Muqdishu oo lagu dilay Duqii Muqdisho iyo siddeed qof oo kale.

Qaraxa maanta ka dhacay Muqdisho ayaa ku soo aadaya, iyadoo ammaanka magaalada aad loo adkeeyay, ayna socota hadal jeedinta qaar ka mid ah musharaxiinta u tartamaya doorashada Madaxweynaha Soomaaliya.

LEAVE A REPLY

Please enter your comment!
Please enter your name here