Wararka suuqa iyo kala iibsiga ciyaartooyda ee kooxaha Yurub

0
138

Weeraryahanka kooxda Leeds United ee u dhashey dalka Brazil, oo la yiraahdo Raphinha, 25 jirna ah, ayaa la filayaa inuu u safro dhanka iyo Barcelona, si uu u dhameystiro ku biirista kooxdaasi saldhigeedu yahay garoonka Nou Camp.

Leeds ayaa aqbashay heshiiska lagu kala wareejinayo ciyaaryahan Winger Raphinha. Kolkii hore wuxuu ahaa 49 milyan oo gini, halka haatan uu noqonayo 57 milyan oo Gini.

Maamulka Newcastle United, ayaa wada hadalo la qaatay kooxda Real Socieded, oo ku aadan saxiixa weeraryahanka reer Sweden, ee Alexander Isak, oo 22 jir ah, kaasoo ay kala soo wareegayaan kooxda reer Spain.

Chelsea ayaa muujisay xiisaha ay u qabto iney heshiis la saxiixato daafaca kooxda Paris St-German ee Faransiiska, ee ciyaar yahan Presnel Kimpembe.

Weeraryahanka Portugal, ciyaar yahan Christian Ronaldo, oo 37 iir ah, ayaa doonaya inuu ka dago garoonka kooxda Paris St-German, si uu uga garab ciyaaro ciyaaryahanka reer Argentine, ee Lionel Messi, oo 35 jir ah, kadib markii uu sheegay inuu doonayo inuu ka tago kooxda Manchester United.

LEAVE A REPLY

Please enter your comment!
Please enter your name here