Mareykanka oo ka digay Dhoolusta Shiinaha uu ka bilaabay Jasiirada Taiwan

0
13

Wasaaradda difaaca ee Taiwan, ayaa sheegtay in maraakiibta iyo diyaaradaha Shiinuhu ay hawlgalo ka fuliyeen marin biyoodka Taiwan Sabtidii, iyadoo qaarkood ay ka gudbeen Khadka Dhexe ee labadda dhinac u dhaxeeya.

Diyaaradaha dagaalka ee Taiwan, ayaa dhowr jeer u digay kuwa Shiinaha, ee kasoo tallaabay hawada Taiwan.

Ciidamada Taiwan ayaa intaa ku darey in dhoolatuskaasi uu ahaa mid u dhigma weerar lagu soo qaaday jaziiradda.

Maamulka Beijing kama aysan hadlin dhoolatusyadii ugu dambeeyey, balse waxaa la filayaa inay sii wadaan dhoolatuska military, ee hawada iyo badda ee Taiwan illaa maanta oo Axad ah.

Xukuumadda Washington, ayaa ku eedeysay Shiinaha inay sii kordhinayso xiisadda u dhaxeysa labadda dhinac.

Afhayeen u hadlay Aqalka Cad, ayaa daandaansi, iyomasโ€™uuliyad darro, ku tilmaamay dhoolatuska military ee Shiinaha.

Xiiisadan iminka ugu dambeysa ayaa ka dhalatay safarkii ay madaxa aqalka wakiilada Mareykanka, Nancy Pelosi, ku gaartay jasiiradda Taiwan.

Shiinaha ayaa sheegay in socdaalka, Pelosi, โ€œay dhab ahaantii khatar galineysayโ€ nabadda iyo xasiloonida marin biyoodka Taiwan.

Shiinuhu waxa uu Taiwan u arkaa gobol kamid ah dhul weynaha Shiinaha.

Balse, Taiwan waa jasiirad iskeed isku maamusho, isla markaana isu aragta inaysan qeyb ka ahayn dhulweynaha Shiinaha.

Jaziiraddu waxay leedahay dastuur u gaar ah, hoggaamiyeyaal si dimuqraadi ah loo soo doortay, iyo illaa iyo 300,000 oo ciidamo ah.

Dalal yar ayaa jasiirada Taiwan u aqoonsan dal madax bannaan, kuwaasoo la macaamila.

LEAVE A REPLY

Please enter your comment!
Please enter your name here