Ciidamada Xoogga Dalka iyo kuwa dib u xoreynta deegaanka ayaa weerar ku qaaday goobo ay gabaad ka dhiganayeen Alshabaab , weerarkaas ayaa ka dhacay dhulka howdka ah ee u dhaxeeya magaalooyinka Galcad iyo Masagawaay ee gobolka Galgaduud.
Ciidamada ayaa cagta mariyay goobihii gabaadka u ahaa cadowga, kadib markii heleen xogta Alshabaab isku uruursaneysa aaggaas, waxaana halkaas lagu gaarsiiyey jab xoog leh, sida uu sheegay Taliyaha Ururka 86-aad Guutada 77 Cabdinuur Yuusuf Qadaaye oo ka mid ah saraakiisha hoggaaminaysa howlgalkaas.
Saraakiisha hoggaamineysa weerarkan ayaa tilmaamay in Alshabaab ay ku dhuumaaleysanayaan howdka deegaanadda hoos tagga Galcad iyo Masagawaay ee gobolka Galgaduud uu midba maalin isa soo dhiibayo kadib marka ay u adkeysan waayaan nolosha ay ku jiraan .
