Kooxda heysata horyaalka Premier League ee Manchester City ayaa maantay oo sabti ah garoonka Wembley kula kulmi doonta kooxda ku guuleysatay koobka FA Cup-ka ee Manchester United kulan ka tirsan Community Shield, ciyaarta ayaa bilaaban doonto 15:00 waqtiga UK taas oo ah – daah-furka xilli ciyaareedka cusub.
Ciyaartan ayaa ah mid dadka so xasuusinya finalkii FA Cup ee sanadkan 2024 markaas oo ay United 2-1 ku garaacday City 77 maalmood ka hor.
Waa markii ugu horeysay oo ay labada kooxood ee reer Manchester ay ku xafiiltamaan, kuna kulmaan Community Shield tan iyo sanadkii 2011 markaas oo ay United ku badisay 3-2.
Kooxda Erik ten Hag, oo 21 jeer ku guuleysatay Community Shield, ayaa furi doonta xilli ciyaareedka cusub ee Premier League Jimcaha soo socda, markaas oo ay kooxda Fulham ku martigelinayaan Old Trafford (20:00).
City, oo ku guuleysatay horyaalkii afaraad oo xiriir ah xilli ciyaareedkii hore, ayaa difaacashada koobkeeda ku billaabeysa ciyaar ay la yeelan doonto kooxda Chelsea Axaddia18kii Agoosto (16:30).
