Kooxda Atletico Madrid ayaa la soo saxiixatay ciyaaryahakii Khadka dhexe ugu dheeli jiray kooxda Chelsea, Conor Gallagher, iyadoo la gashay heshiis dhan 33 milyan oo pound.
24 sano jirka ayaa qandaraas soconaya muddo shan sano ah u saxiixay kooxdan ka dhisan dalka Spain.
Gallagher ayaa Chelsea ku soo biiray isagoo lix sano jir ah, 10 gool ayuuna dhaliyay 90 jeer oo uu u saftay kooxdu.
Qandaraaskiisa Stamford Bridge ayaa ku ekaa sanadan, Chelsea ayaana iibisay ciyaaryahanka si uusan sanadka dambe si bilaash ah ugu tegin kooxda.
