Home WARARKA Internet xumo laga soo sheegay wadamada Bariga Afrika

Internet xumo laga soo sheegay wadamada Bariga Afrika

30
0

Dadka internet-ka isticmaala ee jooga dalalka Kenya, Tanzania iyo Ugandha ayaa ka cabanayay internet xumo, iyadoo shirkaddaha bixiya adeegaasina ay qireen in dhibaato jirto.

Waxay sheegeen in ay ku jiraan sidii ay u xalin lahaayeen dhibaatadaas.

Arintan ayaa ka dhalatay cilad ku timid mid kamid ah xargaha badda hoostooda mara, kaas oo gobolka ku xira dunida inteeda kale, isagoo sii maraya dalka Koonfur Afrika, sida uu sheegay Ben Roberts oo ah khabiir internet-ka ah.

Internet xumadaas oo kale waxa bishii Maarso laga soo weriyay wadamo ku yaala Galbeedka iyo Koonfurta Afrika.

Raadaarka Cloudflare oo la socda dhaqdhaqaaqa internetka, ayaa sheegay in Tanzania ay tahay dalka uu sida xun u saameeyay, isagoo 30% uu hoos uga dhacay heerkii la filayay.

Wargeyska Citizen ee wadanka Tanzania ayaa ku qeexay wixii dhacay go’itaan internet oo saameeyay inta badan xiriirrada kanaalada.

Qof jooga Kenya oo isticmaala internet-ka oo doonayay in uu ogaado haddii uu awoodo in uu daawado ciyaartii horyaalka Ingiriiska ee Manchester United iyo Arsenal, ayaa Airtel Kenya waxay u sheegtay in kooxdooda farsamayaqaanada ah ay ka shaqeynayaan cilad bixinta, iyagoo raali galin siiyay.

Shirkadda Safaricom, oo sidoo kale ku taala Kenya ayaa sheegtay in ay la kulantay ciladan.

Airtel Ugandha ayaa iyana sheegtay in ay ka warheyso cilad ka jirta adeega internet-ka.

MTN Rwanda ayaa iyana soo werisay culeysyo ka jira internet-ka.

Wadamada kale ee arintan saameysay waxa kamid ah Mozambique iyo Madagascar sida laga soo xigtay Raadaarka Cloudflare.

Roberts, oo ka tirsan shirkadda pan-Africa company Liquid Intelligent Technologies, ayaa sheegay in uu xaqiijiyay in xarig mara xeebaha Bariga Afrika oo loo yaqaano Eassy uu ka go’ay aroornimadii hore ee Axadda meel 45km waqooyi uga beegan magaalada dekadda leh ee Koonfur Afrika ee Durban.

LEAVE A REPLY

Please enter your comment!
Please enter your name here