Madaxweyne kuxigeenka 1aad ee dowlad Goboleedka Jubbaland Maxamuud Sayid Aadan ayaa la dardaarmay Ciidamada kala duwan e ku sugan degmada Luuq ee Gobolka Gedo ee qaarkood ka qeyb qaatay dagaal beeleedkii degmadaas ayaa u jeediyay dardaaran xoogan oo ku saabsan la dagaalanka Al-Shabaab.
Wuxuu sheegay in Ciidamada looga baahan yahay in aysan uga mashquulin dagaal Beeleedyada dagaalka ay la geli lahaayeen Al-Shabaab, isaga oo ugu baaqay inay u midoobaan inay Al-Shabaab ka saaraan degaannada ay kaga sugan yihiin Gobolka Gedo.
Hadalka kasoo yeeray Madaxweyne kuxigeenka 1aad ee dowlad Goboleedka Jubbaland Maxamuud Sayid Aadan ayaa kusoo aadaya xilli degaannada Gobolka Gedo uusan ka socon howlgalka ka dhanka ah Al-Shabaab, hayeeshee dhawaan degmada Luuq uu ka dhacay dagaal u dhaxeeyay Beelo badan, kaas oo geystay khasaaro isugu jira dhimasho iyo dhaawac.
