Wararka ka imaanaya degaano hoostaga Magaalada Dhuusamareeb ee Caasimadda Galmudug ayaa waxaa ay sheegayana in xalay Saqdii Dhexe maleeshiyaad hubeysan ay ku dileen Nin la sheegay in uu ahaa Xoolo Dhaqato.
Ninkaan ayaa maleeshiyaadka hubeysan ay ku weerareen Gurigiisa oo kuyaalla degaanka xingaduud oo u dhow degaanka Xiindheere oo hoostaga Magaalada Dhuusamareeb, iyaga o dilka kadib goobta ka baxsaday.
Dilka ayaa waxaa lala xiriirinayaa Aano qabiil ah oo maalmahaan ka taagan degaano katirsan gobolka Galgaduud, iyada oo habeen hore isla Gobolka Galgaduud lagu dilay laba Nin oo Walaalo ahaa .
Ciidamo ka tirsan laamaha amniga Galmudug ayaa tegay goobta uu dilka ka dhacay, kuwaas oo sameeyay howlgallo wallow aysan ku guuleysan inay gacnata ku dhigaan dadkii ka dambeeyay dilkaas.
Mas’uiliyiin katirsan Hay’adaha Amniga Galmudug ayaa sheegay in ay wadaan dadaalo ku aadan sidii gacanta loogu soo dhigi lahaa maleeshiyaadkii dilka u geystay Ninka Shacabka ah.
Hase’ahaatee ‘ degaanada Galmudug ayaa waxaa ku soo kordhay dilalka aanooyinka qabiilka, iyada oo Madaxda Maamulka Galmudug aysan weli ka hadlin dilalkaas.
