Maxkamadda gobolka Galgaduud maanya ayaa xukun dil ah ku fulisay saddex nin oo lagu helay in ay si bareer ah dil ugu geesteen macalin dugsi Qur’aan iyo walaalkiis oo isna dhaqtar ahaa.
Raggan xukun dilka ah lagu fuliyay oo lagu kala magacaabo Nuur Cabdi Maxamed, Shuceyb Maxamed Faarax Aadan, iyo Bile Cabdullahi Xasan ayaa si bareer ah deegaanka ilix ugu dilay Dr Axmed Xasan cusmaan iyo Macallin Axmed Xasan Cusmaan oo walaalo ah.
Gacankudhiiglayaasha ayaana dilka kaddib iyaga oo baxsad ahaa laga soo qabtay gobolka Shabeelaha Dhexe, waxaana lagu soo wareejiyay maxkamadda gobolka Galgaduud oo ugu dambeyn raggan xukun dil ah ku fulisay.
Aabaha iyo ehelada kale ee labada wiil ee walaalaha ee horey loo dilay ayaa maxkamadda gobolka Galgaduud ka dalbaday in ragga dilka u geetstay wiilashooda loo qisaaso laguna fuliyo xukun dil ah.
