Wasiirka Maaliyadda Xukuumadda Federaalka Soomaaliya Mudane Biixi Imaan Cige ayaa maanta ka qeybgalay furitaanka shirka sanadlaha ah ee Hey’adaha Maaliyadda Carabta oo lagu qabanayo magaalada New Qaahira ee dalka Masar.
Shirkaan oo muddo labo maalin soconaya ayaa diiradda lagu saarayaa arrimaha horumarinta Maaliyadda dalalka Carabta, iskaashiga dhaqaalaha iyo sidii looga gudbi lahaa caqabadaha jira.
Wasiirka Maaliyadda Soomaaliya Mudane Biixi Imaan Cige ayaa inta uu ka qeyb galayo shirkaan waxa uu sidoo kale kulamo gaar gaar ah la qaadan doonaa Madaxda Dalalka iyo kuwa Hey’adaha Maaliyadda Carabta ee wadashaqeyntu kala dhaxayso Dowladda Soomaaliya.
